Негізгі бет Басқару жүйесі Президент Тәшімов Лесбек Тәшімұлы
Warning: mysql_query() [function.mysql-query]: Unable to save result set in D:\AppServ\www\includes\database.php on line 289

Қ.А.Ясауи атындағы ХҚТУ-нің президенті  Тәшімов Лесбек Тәшімұлы техника  ғылымдарының  докторы, профессор, ҚР Гуманитарлық Ғылымдар академиясының толық мүшесі, Ы. Алтынсарин атындағы қазақ білім академиясының академигі, Қазақстанға еңбек сіңірген қайраткер   Тәшімов Лесбек Тәшімұлы 27 желтоқсан  1949 жылы Оңтүстік Қазақстан облысы, Сайрам ауданы, Мәдени ауылында туылған. 1966 жылы Түлкібас ауданындағы М.Әуезов атындағы  орта мектепті  бітірген соң,  еңбек  жолын Қызылорда қаласындағы №69 қалалық кәсіптік-техникалық училищеде тәрбиешілік жұмыстан бастады. 1967 жылы Н.В.Гоголь атындағы  педагогикалық институтына түсіп, оны 1971 жылы «математика» мамандығы бойынша бітіріп шықты. 1971-1977 жылдар аралығында  Қызылорда қаласындағы №152 қалалық кәсіптік-техникалық  училищесінде  және «1 Май» орта мектебінде  мұғалім, директордың орынбасары, 1977-1983 жылдары Жамбыл гидромелиоративтік құрылыс институты Қызылорда  бөлімшесінің «Физика және математика» кафедрасының аға оқытушысы; 1983-1993 жылдар аралығында  Қазақ химия-технологиялық институты «Жоғары математика» кафедрасының  аға оқытушысы, «Инженерлік құрылыс» факультеті деканының орынбасары, «Қолданбалы  және есептеуіш математика» кафедрасының меңгерушісі, 1993-1994 жылдары Оңтүстік Қазақстан  облыстық білім беру департаментінің бірінші орынбасары; 1994-1996 жылдар аралығында Шымкент педагогикалық дене тәрбиесі  институтында  бірінші проректор; 1996-1997 жылдары Оңтүстік Қазақстан Гуманитарлық университетінің бірінші  проректоры; 1997-1998 жылдар аралығында  Қ.А.Ясауи атындағы  ХҚТУ президентінің кеңесшісі; 1998-2003 жылдары Қ.А.Ясауи  атындағы  ХҚТУ Шымкент бөлімшесінің директоры; 2003-2004 жылдар аралығында Қ.А.Ясауи атындағы ХҚТУ вице-президенті, 2004 жылдан бері Қ.А.Ясауи атындағы ХҚТУ Шымкент институтының директоры қызметтерін атқарған. 2008 ж. бастап Қ.А.Ясауи атындағы ХҚТУ-дің президенті. 1983 жылы Мәскеу авиация интитутында «Резонансные задачи устойчивости нелинейной механики»  атты тақырыпта кандидаттық диссертациясын мерзімінен бұрын қорғап шықты. 1999 жылы Шымкент қаласындағы Оңтүстік Қазақстан мемлекеттік университетінің докторлық кеңесінде «Конвективный тепло и массообмен в пленочных аппаратах химической технологии» тақырыбында докторлық диссертациясын қорғады. Л.Т.Тәшімов  екі монография  және алпыстан астам ғылыми-методикалық мақалалардың авторы. Бірнеше мақалалары  шет мемлекеттерде, оның ішінде Америка Құрама Штаттарында  басылып шықты. 1990 жылы «Некоторые задачи устойчивости нелинейных резонансных систем» атты монографиясы басылды. Мұнда тұрақтылық теориясының ең маңызды мәселелері зерттелген. Бұл  монографияның тұрақтылық теориясы қолданбалы математика және механика салаларындағы мамандар үшін маңызы өте зор болды, себебі, мұнда зерттелген автономдық жүйелер мәселесі басқа еңбектерде  болмаған тың туынды. 1999 жылы Алматы  қаласындағы  «Ғылым» баспасы «Конвектный тепло и массообмен в пленочных процессах химической технологий» атты монографиясын басып шығарды.  Бұл еңбекте қатпарлық ағымның жылу ауыстыруы мен гидродинамика салаларындағы мамандардың арасындағы қызу  талқыланып, кең көлемде таралды. Л.Т.Тәшімовтың білім саласына сіңірген еңбектері  бағаланып 1993 жылы білім Минстрлігінің «Құрмет Грамотасымен», 1998 жылы  «Қазақстанның білім беру ісінің үздігі» төсбелгісімен, 2001 жылы «Қазақстан Республикасының 10 жылдық тәуелсіздігіне», «Конститутцияның 10 жылдығына» мерекелік медальдарымен, 2006 жылы Қазақстан Республикасының «Спорт қайраткері» төсбелгісімен, «Ы.Алтынсарин атындағы» медальмен марапатталады. 2005 жылы ЮНЕСКО-ның «Алтын тәжі» орденін иеленіп, Азия елдері  қауымдастығың шешімімен «Күн адамы» атағы берілді. 2006 жылдың желтоқсан айында Ы.Алтынсарин атындағы қазақ білім академиясының академигі болып сайланды. Қазақстан Республикасы Гуманитарлық Ғылымдар академиясының толық мүшесі. Ғылыми жетекшілік жасау барысында 3 физика-математика ғылымдарының, 5 техника ғылымдарының кандидаттарын қорғатып шығарды. 1999 және 2007 жылдары Оңтүстік Қазақстан облыстық мәслихатының депутаты болып сайланды. Отбасылы, екі ұлы, бір қызы және бес немересі бар.